中國遊客日本酒店偷廁所板 奇怪偷竊案逐單數
生活情報
一直都有唔少新聞,指酒店客人一時貪心,會為咗著數而喺酒店度偷竊,而且愈偷愈離奇。最近網絡就有傳一個來自浙江嘅大陸團到日本旅遊,離去後酒店發現廁所板離奇失蹤,於是報警求助,要求查看入住嘅中國夫婦行李,結果導遊最終真係喺二人行李之中搵到廁所板!雖知道日本廁所幾咁先進,一向電動廁所板都係大陸人搶購嘅Item之一,所以一時貪心,明白嘅,留返同個官講啦!一齊睇下以下酒店偷竊行為,不過好嘅小朋友千萬唔好學呀。
印度遊客偷地氈
美國一高級酒店就試過成塊地氈中間,畀人好完整咁切去咗一塊長方形,並用茶機遮掩,發現時早前入住嘅印度一家人,早已去如黃鶴。
香港酒店電視被偷
今年3月灣仔一間酒店,入面一間卡拉OK房中嘅50吋大電視竟然離奇失蹤,而房門有被撬開痕跡,但究竟賊人如何運走電視,目前仍然無人知。
McQueen名作被偷
較早前兩名英國女人嘗試喺一間酒店入面偷竊Steve McQueen嘅畫作,但由於畫作為6呎乘4呎,過於龐大而未能放入車中,最後被趕到的警員當場捉拿!
轉載自:https://hktravelnow.yahoo.com